AZKOITIKO SAN JOSE EGOITZA

Pasa den Urtarrilak 24an egin genuen Kontseilu errektorearen bilera.
Bertan, egoitzako langile, jubilatuen elkarteko eta hainbat herritarrekin batera, egoitza kudeatzen duen enpresak ematen ari den zerbitzuaren jarraipena eta egun dugun itxaron zerrenda aztertu genituen.
Zerbitzu aldetik ez zen inolako kexarik agertu baina hurrengo bilerarako, enpresaren arduradunen bat etortzeko eskatu genuen hainbat gai ezberdinetan erantzun egokiena emango baitigute.
Itxaron zerrendari buruz berriz, momentuz ez dago eta plazak libreak ere badaude. Krisi egoera honek, eskaerak murriztea ekarri duela garbi adierazi ziguten.
Inbertsioen barruan berriz, ohe bereziak erosteko esleipenari buruz jakinarazi zigun Xabierrek. Bertako erabiltzaileentzako eta zaintzaileentzako hobeenak erosiko dira.
Azkenik 2013rako tasak eta prezioak onartuz, aurrekontuen zirriborroa aztertu genuen.
Datozen urteak bereziak izango dira Azkoitiko San Jose Egoitzari dagokionez eta bere kudeaketa arduradun izan daiteken Foru Aldundiaren iritzia edo eta proposamenari dagokionez.
Dakizuen bezala, Egoitzaren kudeaketa emateko konpetentzia Foru Aldundiak du baina betidanik, bere kudeaketaren arduradun Azkoitiko Udala eta horretarako eratutako Kontseilu Errektorea izan da. Datozen egunetan, badirudi Foru Aldundiak bere kudeaketa aldatzeko proposamena egingo duela.
Jubilatuen elkarteko kideak zioen bezala, inoiz egin da kudeaketa egokiena izango litzatekeen modeloaren hausnarketarik?

MUSIKA ESKOLEN ELKARTEKO ESKAERA

Musika Eskolak hezkuntza zentroak dira, eta haurrei, gazteei edo eta helduei zuzendutako irakaskuntza sistema egonkor baten bidez, beren hezkuntza integrala hobetzeko edo osatzeko bidea eskaintzen zaie.
Eskola hauen helburu nagusia musikazaleak prestatzea eta ahots-taldeak nahiz instrumentu-taldeak sustatzea da, hala nahi duten pertsona guztiek musika-jarduerari ekiteko edo sentsibilitate eta zentzu estetikoa garatzeko aukera izan dezaten, arte-hezkuntzaren parte bezala.

Euskadiko Musika Eskolen bidez, estetikotasuna eta sormena lantzen dira, eta baita pertsonen sentsibilitatea ere, irakaskuntza, hezkuntza eta arte-kulturaren bidez.
Arte-hezkuntza eskubide unibertsala da eta eskubide hori bideragarria izatea bermatu behar dugu. Norbanakoaren garapenean laguntzen du, herritar, banako eta talde bateko partaide gisa, sorkuntzarako ahalmena, hausnarketarako gaitasuna eta autonomia-kontzientzia eta pentsamendu-askatasuna estimulatuz.
Gaur egun, Euskadi mailan 35.000 ikasletik gora dituen elkartea izanik, badu tokiko kulturan bere proiekzioa eta presentzia.

Krisi garai honetan, Euskadiko Musika Eskolen Elkartea, bere ibilbidea bermatzeko ahaleginean, bere finantzaketa sistema kontsolidatu nahian dabil, Euskal eremuan dauden alderdi politiko guztiekin hitzartuz, eta Azkoitiko Musika Eskolako lehendakari bezala, guztion ahaleginarekin, dugun helburua lortzea espero dut.

IN –CREIBLE

Sekula gertatu ez dena gertatuko da aurtengoan Azkoitian. Udal Gobernuak onarturiko 2013rako hainbat Zerga eta Tasa ezingo direla aplikatu, alegia.

Azkoitiko UDAL GOBERNUAREN eta Foru Aldundiaren artean egon den KOORDINAZIO GABEZIAREN ondorioz, hainbat bilera eta denbora eraman diguten erabakiak, bertan behera geratu dira.

ARRAZOIA? Azkoitiko UDAL GOBERNUA erabakiak hartzerakoan atzeratuta ibili izana, eta ondorioz, aipaturiko zergak Gipuzkoako Aldizkari Ofizialean berandu argitaratzea; BERANDUEGI.

Deskoordinazioa, ala GOBERNU EZA?

Azkoitiko UDAL GOBERNUAK, onespen datei buruz garaiz ez abisatu izana leporatzen dio Foru Aldundiari. Foru Aldundiak berriz, erabakien berri garaiz eman zutela erantzun dio Udal Gobernuari, komunikazio horren egiaztapena baduela aitortzen duelarik.

Azkoitiko UDAL GOBERNUAK jakinarazpenak 2 korreo elektronikoz iritsi zirela onartzen du, baina bata ez zegokion departamentura, eta bestea hondatuta zegoen ordenagailuren batera.

UDAL GOBERNU taldearen gestioa SERIOA dela iruditzen al zaizue????

URTE BERRIAN ITXAROPEN BIDEA

6 hilabete luzez greba egin ondoren, badirudi datorren Ostiralean Corrugados eko langileak lanera bueltatzeko erabakia hartu dutela.

Hainbat manifestazio eta ekintzen ondoren eta negoziaketarekin jarraitzeko intentzioarekin, garai berri bati bidea irekitzeko esperantzan ditugu Corrugadoseko langileak.
Azpeitiko semeak irekitako enpresako langileak, egun Grupo Gallardoren esku dagoena, ez dituzte batere egun errazak bizi azkenaldian baina langile hauek harturiko erabakia izan dadila enpresaren ardura dutenentzat eredu denok nahi dugun akordiora heltzeko.

http://www.eleconomista.es/interstitial/volver/acierto/economia/noticias/4504426/01/13/Economia-Los-trabajadores-de-Corrugados-Azpeitia-ponen-fin-a-la-huelga-indefinida-que-comenzaron-hace-seis-meses.html

HERRIRA PLATAFORMA AURKEZTEN ARI DEN MOZIOAREN AURREAN EAJ/PNV REN IRITZIA

Azken hamarkadetan, euskal herritarren gehiengoak, pertsona ororen giza eskubideen errespetua aldarrikatu eta eskatu du, zalantza gabe arbuiatu dituelarik berauen edonolako urraketak eta elkarrizketaren alde egin du gatazkak konpontzeko tresnatzat hartuz.

Euskal gizarteak demokrazia eta etika eskatzerakoan izan duen  iraunkortasuna erabakiak hartzera bultzatzeko ezinbestekoa izan da,  guztioi aro berri bati ekiteko aukera emateko. Indarkeriaren ondorioen aurrean, biktima eta presoen aurrean, neurri berriak ezartzeko eta oinarri demokratikoak ez besterik erabiliz, gatazka politikoa konpontzeko aukerari heltzeko denbora.
 
Gaur, eta alferrikako min eta sufrimendu urte guzti hauen ondoren:

1.-   ETA-k Aieteko manifestuari erantzunez, behin betiko ekintza armatua utzi izana adieraztea, aintzat hartzen dugu.

2.- Berriro diogu beharrezkoa izango dela, adiskidetzean, aitorpenean, konpentsazioan eta biktima guztien laguntzan aurreratzea, sortutako mina aitortuz eta pertsonen eta gizartearen zauriak sendatzen lagunduz.

3.-  Euskal presoak jasaten ari diren  bere oinarrizko eskubideen urraketen aurrean, Eusko Legebiltzarrak, 2006ko urriaren 6an, euskal presoen eskubideen defentsarako konpromisoari buruz onartutako hau berresten du:

•        Presoak euren gizarte eta familia-ingurunetik gertuagoko kartzelan egon behar dute.

•        Espainiako espetxe erakundeei euskal preso guztien oinarrizko eskubideak errespeta ditzala.

•        Eritasun larriak jasaten dituzten presoei berehala 92. artikulua aplikatzea eskatzen da.

•        Legearen aplikazio positibioa egin dezala , eta, hala, zigorraren parterik handiena betea duten eta legearen arabera baldintzapean aske egon daitezken preoak, askatuak izan daitezela.

•        Espainiako Gobernuari, ahalik eta lasterren eskualda diezazkiola EAEri espetxeei buruzko eskumenak  eskatzen zaio.

•        Aldarrikatzen du giza eskubide guztiak inolako salbuespenik gabe defendatzeko konpromisoa, baita herritar guztiak, preso daudenak ere bai, eskubideez eta askatasunez, politikan parte hartzeko eskubidea barne, baliatzea bermatu beharra ere.

KALEAN DA BIDEA EGINEZEN 5. ALEA

ATEZ ATEKO SISTEMAREN AURKAKO PLATAFORMAREN PRENTSAURREKOA

Pasa den Irailak 29an, Azkoitiko Atez Ateko sistemaren aurkako plataformak eginiko prentsaurrekoaren ondoren, emandako pausoak eta balorazioa egiteko aurkezpena egin dugu gaur Azkoitiko Elkargunean.

Lehendabizi gogoratu nahi izan dugu, Atez Ateko sistemaren aurkako sinadura bilketa bat izan dela eta zaborrak jasotzeko sistema honen aurka gaudela 7 arrazoi hauengatik:
1.    Sistema honek ez duelako zaborren kudeaketaren arazoa konpontzen
2.    5.zaborrontziaren aldeko apustua egiten dugulako
3.    Zikinagoa, osasungaitzagoa eta askoz deserosoagoa delako
4.    Inposizioan oinarritutako sistema delako
5.    Zabor turismorik ez dugulako nahi.
6.    Atez Ateko sistema askoz ere garestiagoa delako.
Hau horrela izanik, Urriko larunbat guztietan, Eliz atarian egon gara herritarren atxikimendua lortzeko. Prentsaurrekoan adierazi dugun bezala, kaleko sinaduretatik aparte, beste hainbat  sinadura lortu dituzgu etxeetara bidali ditugun  atxikimendu orriekin.
Momentuz eta lehen kontaketa egin ondoren, Azkoitiko ia 3.400 herritarrek sinatu dute  proposamen hau.
Aurreko hauteskunde ezberdinetan bozkatu zuten azkoitiarren baloreak ikusita, Eusko Legebiltzarrerako bozka eman zuten Azkoitiarren %59,14a suposatzen du. Udal hauteskundeetan bozkatu zuten herritarrekin konparatzen badugu berriz, % 57,12 izango litzateke.
Beraz, lorturiko sinadurak ikusirik, herri honen nahia argi eta garbi geratu dela iruditzen zaigu, hau da, Azkoitiarrok ez dugu nahi zabor bilketa sistema hau herrian.
Hau horrela izanik, Eskerrak eman nahi izan dizkiegu kanpaina honetan lan egin duten kide guztiei eta baita, noski, bakoitzak bere sinadurarekin beren babesa eman digun hainbat eta hainbat herritarrei ere.

Emaitza ikusirik, momentu honetan, ditugun sinadura guztiak hartu eta Notaritzara eramateko asmoa dugu. Beti ere, notaritza batek egiaztaturiko zenbakiek sinesgarritasun handiago izango dutelakoan.
Notaritzako zenbaketa egiaztatua izatean, Azkoitiko udaletxean sarrera eman eta bertan dauden alderdi politiko guztiei kopia bat bidaltzeko asmoa dugu, hala, datozen egunetan hartu behar diren erabakiak hartzerako orduan, herri honen nahia kontutan izan dezaten.
Aurrera begira, udaletxeak zaborren bilketari buruz hartu behar dituen edozein erabakitan ekarpenak egiteko eta laguntzeko prest gaude eta Azkoitiko udalari eskatzen diogu 5.kontenedoreko sistema indartu eta birziklatzea bultzatzeko beste hainbat herritan hartu diren erabakiak aztertu eta Azkoitian ezartzeko.

Prentsan:
Hitza
Diario Vasco