2012 rako ORDENANTZA FISKALAK

     Pasa den Ostegunean onartu dira 2012rako tasa eta zergak. Berauen eraketan, EAJ/PNVk hainbat proposamen eta kriterio adierazi ditugu eta nahiz eta batzuk onartuak izan diren, badira zenbait gauza harridura sortu eta kontrako bozka ematera eraman gaituenak.

     Alde batetik, krisi garai honetan, azkoitiko enpresek ordaintzen duten zergen gainean, Bilduk %10,4 ko igoera ezarri die.

     Eraikuntzako zergetan eta baserri mundua bultzatu nahian, baserrietan obrak egiterako orduan %95 eko bonifikazioa zuten, baina agrarian altan dagoenei bakarrik aplikatzea erabaki dutenez, herriko baserritar gehienak, bonifikazio hauetatik kanpo utzi dituzte.

     Elkarguneko prezioekin berriz, ez dute jaitsiera nabarmenik planteatu, berauetatik udalak izango duen errekaudazioa zerbait igo baizik. Bilduko zinegotzi batek, Ogasuneko komisioan esan zuen bezala “Makillaje“ bat besterik ez dute egin. Prezio gehienak mantendu dituzte eta nahiz eta arlo batzuetan zerbait jaitsi duten, 6 eta 12 urte arteko 476 neska mutilen hiruhilabeteko prezioa igo dute, hau da, urtean 48 euro gehiago ordaindu beharko dute bakoitzak.

     Elkarguneko kide izanda Ludoteka zein Baztartxoko deskontuak kendu dituzte. Honela, ludotekako haurrek (6-12 urte), datorren urtetik aurrera %100 eko igora izango dute, hau da, 30 eurotik 60 eurotara.

     Uraren tasari dagokionez eta azken urteetan ezker abertzaleak izan duen ilegalak diren diskurtsoa alde batera utzi eta tasen oinarriak onartuak izan dira.

BIOTERMIAK PROIEKTUA

     Gaurko honetan, aurreko legealditik datorren BIOTERMIAK proiektu berezia azaldu nahi dizuet. Proiektu berritzaile, eraginkor eta jasangarria: inguruko baserritarren egur soberakinak errez, ur beroa, eraikuntzak berotzeko eta energia, saltzeko, lortzea du helburu.

   Azken urteotan Iraurgi Lantzen eta Loiola Berrikuntza Fundazioa, Azkoitiko udalarekin batera, proiektu estratejiko honetan lanean ibili dira. Eta lan horren ondorioz, Azkoitin inplantantzeko beharrezkoa izango liratekeen 5.000.000 € ak iada EVEk Azkoitiko herrirantz bideratuak zituen.

ZORIONAK EUZKADI

     Hainbeste denbora zain egon ondoren, iritxi da behingoz albiztea. Ia 40 urteren ondoren, bakea eta askatasunaren bidetik, herrigintzan iharduteko momentua.

     Lehendabizi nere familiarekin pentsatu dut, neure alabekin hain zuzen, hainbeste sufrimendu inguruan izan dugu eta horrelakorik ez dutela biziko, ez dutela sufrituko,…

     Bigarrenik, meatxupean bizi izan diren inguruko lagunekin, sentsugabeko borroka horretan heriotza gertutik bizi izan duten horiekin..

     Ondoren, gaurko komunikatu hau lortu ahal izateko lan egin duten guztiekin.

     Bukaeran eta poz izugarri batekin, Euskal herriko gizon emakumeekin, aro berri baten aurrean egonik, guztion artean, errespetuz, gure herri honek merezitako bakea izango dugulako.

EAJ-PNV BAI EUSKARARI ZIURTAGIARAREN MAILA GORENEAN

     Gaur arratsaldean, Azkoitiko EAJ-PNVren izenean, Bai Euskarari ziurtagiria jasotzeko ohorea izan dut. Ohorea diot lau erakunde bakarrik bait gara Azkoitian maila gorena lortu dugunok. Beraz, alde batetik, gaur ordezkatzea tokatu zaidan alderdia eta alderdikide guztiak Zoriondu nahiko nituzke egindako lanagatik eta bestetik mailaz igo edota proiektu honetan lehen aldiz sartu zareten guztiok animatu Euskararen normalizazioan guztiok bait daukagu zer egina!!!

AZKOITIKO BASERRI ETA AUZOEN GARAPENA

      Pasa den Irailaren 20an,  Udal Gobernuko zinegotzi eta herriko baserritarren artean bilera bat ospatu zen. Bilera horretan egin ziren adierazpenen artean, harridura eta sorpresa hartu genuen eginiko 2 adierazpenengatik.

      Alde batetik, azken urteotan egoniko utzikeria salatu zuten eta bestalde, udaletxean dirurik ez dagoela eta beraz dagoenarekin gauza handirik egiterik ez dutela komentatu omen zuten.

Bi akusazio hauei erantzunez: 

2007-2011 legealdian, baserri eta auzoetarako aurrekontua 1.539.902,06 eurokoa izan da eta hortik,  1.333.413,28€ baimenduak izan dira. Diru kantitate hauek ondorengo lanak burutzeko erabili dira besteak beste:
1.       Baserri eta auzoetako bideak konpondu edo eta berriak egiten 845.295,34 euro gastatu dira. ( Martitteko bideak,  Kukuherri, Aitza, Amezti, ...)
2.       Baserri eta auzoetako bideen garbiketak egiteko  286.090,32 euro erabili ziren
3.       Landa eremuko baserri eta auzoen garapenerako lan egiten duen Urkome ri 103.844,4 euroko dirulaguntzak eman zitzaizkion.
4.       Baserrietara iritxi ahal izateko seinale eta baserrien buzoiak jartzen 12.151,4 euro gastatu ziren
5.       Martitteko aparkalekua egin da.
6.       Elurra kendu ahal izateko makina erosi zen. ( 3 ditu udalak )
7.       Berpiztu programak martxan jarri Elosu eta Madarixa auzotan eta Urrategin hasi ahal izateko eskaera bideratuta utzi Da.
8. …

      Datu hauek kontutan hartuta:

·        Ez dugu uste azken lau urteotan udalaren aldetik inolako utzikeriarik egon denik. Zalantzarik ez dugu gauza gehiago egin ahal izango zirela, eta krisi garaian egongo ez bagina guztioi gustatuko litzaigukela gehiago gastatzea.

·        Bestalde orain dirurik ez dagoela aldarrikatzen ari direnei, bi argibide. Batetik krisia mundo mailako dela, ez dugula Azkoitian beste herrietako baino egoera larriagoa eta bestetik iadanik 3 urte daramatzagula krisi garaian eta aurreko datuek adierazten duten bezela, krisi garaian ere gauza asko egin daitezkela. Zergatik oraingoan ezin da ezer egin?

·         Aurreko legealdian udalez kanpoko erakundeek gure proiektuetarako 30.000.000€ ordaintzea lortu genuen, honetarako gestio kapazidadea eskatzen du eta hau izan beharko litzateke aurrekoek egin zuten bezala, gaur egun udal gobernuan daudenen zer eginetako bat (Urkome, Foru Aldundia, Eusko Jaurlaritza, etbar )

·        Azkenik eta bileraren edukiari begira, aurreko legealdian EAJ-PNVk martxan jarritako BERPIZTU programak beste auzoetara zabaltzeko asmoa erakutsi dutela ikusten dugu eta hau EAJ ko hauteskundeetako programan datorrenez erabat ados agertzen gara.

EAJ-PNVK INIZIATIBA HARTU ETA 4 URTEETARAKO MERKATARITZA PLANA AURKEZTU DIEGU ALDERDI POLITIKO ZEIN HERRITARREI

      Maiatzak 22ko hauteskundeen atarian, lan bilera ospatu genuen Azkoitiko merkatari elkartearekin (Herrixen), zuzendaritza batzordeak eta Olaia Zabaleta, teknikariak ordezkatzen zutelarik.

        Bertan, merkatariek, beraien kezkak, beharrak eta beste hainbat gai mahai gainean ipini zituzten.

        Bilera hartatik eta EAJ alderdiak zituen egitasmoetatik, orain aurkezten dizuegun hamar puntuko txosten hau sortzen da, helburu batekin, datozen 4 urteetako (2011-2015) plangintza amankomun bat garatzeko asmoz.

Jarraian, txosten honen atalak aurkezten dira.

1.- Itxitako lokalen kudeaketa.

• Helburua; hutsik dauden lokalak merkaturatzea, horretarako, identifikatu, jabearekin hitzegin eta bere asmoa ezagutzea ezinbestekoa da.
• Jardueren mix analisia.
• Lehiaketa bat antolatu lokal hauen orma eta fatxadak dekoratzeko.
• Ekintzaile potentzial berriak hiri gunera erakarri.

 2.- Itxiera bidean dauden lokalak kudeatu.

• Adin jakin batetik gorako merkatarien azterketa bat egin, beraien asmoak ezagutzeko, eta ahal den neurrian lagundu etorkizunera begira. Izan ditzaketen laguntzen inguruko informazioa eman.
• Ekintzaile potentzialak aurkitu.

 3.- Azoka plaza eta kultur etxea.

• Ideien lehiaketa antolatu, azoka plaza eta kultur etxearen inguruan, proiektu erakargarri bat martxan jartzeko, beti ere hiri gunera, jendea erakartzeko.
• Kultur etxeari erabilera aurkitu.

 4.- Kudeaketa profesionala.

• Herrixen elkarteak, Udalarekin duen hitzarmena aztertu.
• Bi aldeen konpromisoak definitu.
• Elkarteko teknikariaren zer eginak definitu.

 5.- Sustapen komertziala.

• Kirol elkarte, kultur elkarte eta gainontzeko eragile guztien arteko koordinazioa landu, ekintzak antolatzerako orduan.
• Egutegi adostu bat Garate, elkarlana aprobetxatuaz eta sinergiak sortuz.

 6.- Hirisgarritasuna hiri gunera.

• Aztertu parking berrien sorrera edo eta daudenen erabilera, beti ere hiri gunera hirisgarritasuna bermatuaz.
• Plaza Berri, hobekuntza aukera desberdinak aztertu.

 7.- Izapide administratiboak.

• Erraztu udaletxean egiten diren izapideak, lokal berrien irekiera batik bat, kontuan izanik, hiri guneak dituen berezitasunak.
• Arau betebeharrak, zenbait kasutan ezin dira bete hiri guneak dituen mugengatik.

8.- Tasak, ura eta zaborra. Zergak.

• Merkatariek beraien kexa adierazi dute tasen inguruan, oso kantitate altuak direla eta dauden desberdintasunengatik, antzekoak diren dendetan.
• Tasak jaistea eskatzen dute.

9.- Garbitze zerbitzua.

• Kexa orokorra espaloien irristagarritasunaren inguruan. Beraien esanetan erabiltzen diren produktuak ez dira egokienak.

10.- Segurtasuna.

• Alerta sistema bat sortzeko beharra adierazten dute merkatariek.
• Agintaritza dutenen koordinazioa bilatzen da, sistema hau martxan jartzeko.

Nahiz eta hemen ez agertu udalean dauden alderdi politiko zein merkatari elkarteari lan plangintza zehatz bat aurkeztu diegu

144 urtez eginiko lan onari ESKERRAK!

     Gaur goizean meza santuarekin eman diogu hasiera Azkoitiko herriarentzat 144 urtez hainbeste eman duten lekaimeentzako omenaldia. Mezaren ondoren Sahatsa dantza taldekoek aurreskua, Frantsezenaren organo kontzertua eta Azkoitiko banda, Iraurgi eta Parrokiko abesbatzen emanaldia izan ditugu.

     

     Elizakoekin amaitzeko ohore handiz Agur Jaunak abestu diegu eta Joseba jatetxerantz abiatu gara. Elkarrekin bazkalduz Poxpi eta Lajaren eskutik festa giroan eman diogu amaiera omenaldiari.

     Hemendik eskerrak eman nahi dizkiet omenaldi hau antolatzen hainbeste lan egin duten herritar eta elkarte guztiei. Sor Mari Jose, Sor Trini, Sor Mertxe, Sor Arantxa, Sor Maria Jesus eta Sor Margaritak azken urteotan eta buruan ditugun Sor Rosalia, Sor Benedita, Sor Benancia eta beste hainbat ahizpek gure herriaren onuran egin duten borondatezko lan paregabeari eskerrak emateko beste hainbat herritarrok egin duzuen lanari eskerrak, alegia.