BANAKAKO EMENDAKINAK EGINGO DIZKIOGU BILDUK AURKEZTURIKO AURREKONTUEI

Egoera ekonomiko zaila kontutan izanik, EAJtik egingo ditugun proposamenek hiru helburu nagusi izango dituzte: gastu arruntaren estutzea, gastu sozialaren mantenua eta aktibidade ekonomikoa sortzen duten partidak sustatzea.

EAJk egoera ekonomiko honetan BILDUk proposaturiko ondorengo neurriak salatu nahi ditu: Inmigrazioan %23ko igoera, Berdintasunean %56koa eta Euskaran %30ekoa eta aldiz, Azkoitiko garapen ekonomikoa sustatzen duten partiden %20ko jaitsiera eta Elkarteen diru laguntzen %10ekoa.

Azkoitiko Etorkizunaren oinarri izango diren industria, merkataritza, baserri, eta auzoak bultzatu behar ditugu. Herri batek aurrera egin dezan, lana sortzeak izan behar baitu helburu nagusietariko bat.

BILDUK, GUK AURKEZTU DUGUN GIZA ESKUBIDEEN ALDEKO EMENDAKINAREN AURKA BOZKATU DU

Gaurko osoko bilkuran Bilduk aurkeztutako presoen eskubideen aldeko mozioari, presoez gain Euskal Herritar ororen giza eskubideen errespetuaren aldeko mozioa aurkeztu diogu eta gure sorpresarako BILDUk honen aurka bozkatu du. Hemen uzten dizuet testua irakur dezazuen.

Azken hamarkadetan, euskal herritarren gehiengoak, pertsona ororen giza eskubideen errespetua aldarrikatu eta eskatu du, zalantza gabe arbuiatu dituelarik berauen edonolako urraketak eta elkarrizketaren alde egin du gatazkak konpontzeko tresnatzat hartuz.

Euskal gizarteak demokrazia eta etika eskatzerakoan izan duen  iraunkortasuna erabakiak hartzera bultzatzeko ezinbestekoa izan da,  guztioi aro berri bati ekiteko aukera emateko. Indarkeriaren ondorioen aurrean, biktima eta presoen aurrean, neurri berriak ezartzeko eta oinarri demokratikoak ez besterik erabiliz, gatazka politikoa konpontzeko aukerari heltzeko denbora.

Gaur, eta alferrikako min eta sufrimendu urte guzti hauen ondoren, Azkoitiko udalak ondorengo hau adostu du:

1.-   ETA-k Aieteko manifestuari erantzunez, behin betiko ekintza armatua utzi izana adieraztea, aintzat hartzen dugu.

2.- Berriro diogu beharrezkoa izango dela, adiskidetzean, aitorpenean, konpentsazioan eta biktima guztien laguntzan aurreratzea, sortutako mina aitortuz eta pertsonen eta gizartearen zauriak sendatzen lagunduz.

3.-  Euskal presoak jasaten ari diren  bere oinarrizko eskubideen urraketen aurrean, Eusko Legebiltzarrak, 2006ko urriaren 6an, euskal presoen eskubideen defentsarako konpromisoari buruz onartutako hau berresten du:

·       Presoak euren gizarte eta familia-ingurunetik gertuagoko kartzelan egon behar dute.

·       Espainiako espetxe erakundeei euskal preso guztien oinarrizko eskubideak errespeta ditzala.

·       Eritasun larriak jasaten dituzten presoei berehala 92. artikulua aplikatzea eskatzen da.

·       Legearen aplikazio positibioa egin dezala , eta, hala, zigorraren parterik handiena betea duten eta legearen arabera baldintzapean aske egon daitezken preoak, askatuak izan daitezela.

·       Espainiako Gobernuari, ahalik eta lasterren eskualda diezazkiola EAEri espetxeei buruzko eskumenak  eskatzen zaio.

·       Aldarrikatzen du giza eskubide guztiak inolako salbuespenik gabe defendatzeko konpromisoa, baita herritar guztiak, preso daudenak ere bai, eskubideez eta askatasunez, politikan parte hartzeko eskubidea barne, baliatzea bermatu beharra ere.

DATOZEN LAU URTEETARAKO EUSKARARENGANAKO KONPROMEZUAK

Gaur arratsaldean ospatu dugun Euskara Batzordean EAJ-PNVk, Gipuzkoako Batzar Nagusietan aho batez onarturiko idatzia aurkezteaz gain, Azkoitiko Udalak datozen lau urteetarako hartu beharko lituzken konpromezuak aurkeztu ditugu.

Azkoitiko Udalak bere esku dagoen guztia egingo du

1. Udal zerbitzu publikoak eskaintzen dituztenen langileen euskalduntzea bultzatu eta bermatzeko.

2.      Udal zerbitzu publikoak eskaintzen dituztenen langileen lehen hitza beti euskaraz izan dadin.

3.      Udal barne funtzionamendua euskaraz izan dadin.

4.      Kaleratzen dituen lan eta obretan, Euskara gutxienez erabili dadin.

5.      Kanpotik etorritako herritarrek, Euskara ikasteko ahalbideak izan ditzaten.

6.      Euskaraz ikasi duen orok, mintzapraktika aukerak izan ditzan.

7.      Herrian dauden lantoki zein merkatal esparruetan euskara bermatua izan dadin.

8.      Euskal Kultura sustatzean, Hizkuntzaren esparrua bermatzeko.

Gure asmoa konpromezu hauek guztion artean adostu eta lehentasunak finkatu ondoren, lau urteetarako ekintza plan bat egitea da. Horregatik beste alderdi guztien zein herritarron ekarpenetara guztiz irekiak agertzen gara.

Hemen uzten dizuet aipaturiko Batzar Nagusietako testuaren linka:

http://w390w.gipuzkoa.net/WAS/CORP/DJGPortalWEB/noticias_detalle.jsp?id=172

EAJK AZKOITIKO ALKATE, BASTARRIKA JAUNA, EGOERA EKONOMIKOAREN INGURUKO EZTABAIDA PUBLIKO BATERA DEITZEN DU

BILDUk Azkoitiarrak engainatu nahi izan ditu beren kudeaketa gaitasun eza ezkutatu nahian eta honen aurrean EAJk argibide batzuk eman nahi ditu:

1.-Zorraren inguruan ez dago inolako ezuste ez aldaketarik:

- Azkoitiko udalaren zorra publikoa da. Urte bukaeran 10,2 milioi €. Honez gain, diputazioari,Gipuzkoako udalerri guztien proportzio bera gehitu beharko zaio.

-Aurreko legealdiko ezker abertzaleko zinegotziak guztiaren jakitun izan beharko lukete, udalaren proposamen ekonomikoak, komisio eta ondoren plenoetan onartu bait ziren.  BILDUrekin egin ditugun bileretan ikusi dugu, oraindik zinegotzi hauek direla erabakiak hartzen dituztenak.

-BILDUk kanpainan Azkoitiko udalaren zorra erabili zuen, beraz kargua hartzerako jakitun ziren. Ezusterik ez.

 2.- Zertarako erabili da zorra? INBERTSIORAKO, inoiz ez gastu arrunterako.

-ELKARGUNEA: Herriko erdigunean kokatu eta bazkideak bikoiztea lortu duen ekipamendua. Egunean ehundaka erabiltzaile izanik, bere mantenua aurreko kiroldegia baino merkeagoaizatea lortu zen. Kanpo igerilekuen aurka al dago ba BILDU? (bi urtetan 80.000erabiltzaile) Ekargunea herri erdian egitearen aurka? San Martingo igogailuaren aurka? Esan dezala zerren aurka dagoen.

-TXALON ERREKA: Azkoitiko udalak herritik baztertua egon zitekeen auzo bakarrenetakoaren egoera hobetzea erabaki zuen. Okerrenean, udalak 3,2 miloi euroko gainbalioa lortuko du. Esan dezala BILDUk 3,2milioi € lortzearen edo auzoa publikoki birgaitzearen aurka dagoen.

- INTSAUSTI: Herriko sarrera eta lekurik hoberenetako bat. Azkoitiko udala eta Diputazioaren artean lurren %50a erostea lortu zuten.  Sarrerek gastuak ordainduko dituzte kudeaketa eraginkor bat egiten badute. Esan dezala BILDUk gai honekin ere ez datozela bat. Ongi iruditzen al zaie egun dugun herrirako sarrera? Edo nahiago zuten eremu hori guztia esku pribatuetan gelditzea? Esan dezatela.

-ECENARRO-OINARTXO: Euskadin lehen aldiz, zabortegi bat  itxi eta honelako lur eremuan enpresa pribatu bat eraikiko da. 100 langiletik gorako enpresa, herrira aberastasuna, lana eta diru sarrerak ekarriko dituena. Zabortegi eremua berreskuratu eta enpresa bat eraikitzearen aurka al dago ba BILDU?

3.- Zorra eta defizita. BILDUren kudeatzeko gaitasun eza.

- Aurreko udal gobernuak, lau urterako plan ekonomikoa aurkeztu eta Diputazioak onartu zuen. Honela, udalak zorrari buelta emateko duen gaitasuna bermatzen da.

- EAJk erabakiak hartu zituen arlo ekonomikoan:

            ○ Krisi garai gordinetan gastu soziala mantentzea

○ Gastu arruntaren doitzea.

○ Lana eta aberastasuna sortzen duten partidak mantentzea

○ Inbertsioetarako kanpo finantziazioa lortzea (32,2 milioi €)

- Zorpetze muga legala, % 25ean kokatzen da eta Azkoitiko udala %18an dago, zergatik ez ote du BILDUk hau inon argitaratu?

- 2008tik jasaten ari gara krisi garaia Europa osoan. Hala ere, 2010ean Azkoitiko udalak, gastuak murriztu eta sarrerak hobetuz, 1,3milioi €ko soberakina lortu zuen. Soberakin honetatik 150.000€ BILDUren udal gobernuak duela hilabete aplikatu zituen. Berriro ere herritarrak engainatu nahi izan dituzte soberakina 0 izan dela esanez.

- Enpresa, familia edo instituzio baten egoera ekonomikoa aztertzerako orduan, zorra parametro garrantzitsu bat da. Baina badira zorra baino parametro garrantzitsuagoak ere, defizita, esaterako. Sarrerak, gastuen gainetik egotea. Azkoitiko udalean EAJ egon den bitartean izan duen egoera, alegia. Honelako egoerak erabakiak hartuz lortzen dira. Hartu al du neurririk BILDUk? Batere ez. Ekainean, Diputaziotik sarreren 700.000€ ko jeitsiera aurreikusten zutela azaldu zitzaion Udal gobernuari, zer egin dute? Ezer ez.

- Zein da BILDUren ekonomi politika? Inork ez daki, ezta jakingo ere. Bilerak egiteagatik eginez, bere erabakiak hartzeko gaitasun eza disimulatu nahi dute. Herri ordezkari (6000 herritarrek parte harturiko hauteskunde ondoren) diren heinean, erabakiak hartzeko daude hor.

EAJk oposizio arduratsu eta baikorra egingo du eta BILDUri eskatzen dio beren kudeaketa eta erabakiak hartzeko gaitasun eza ez ezkutatzeko, ardurak besteei pasatuz.

OSOKO BILKURAN AHO BATEZ ONARTU DUGU

EMAKUMEENGANAKO INDARKERIAREN AURKAKO NAZIOARTEKO EGUNA

Azaroaren 25ean Emakumeenganako Indarkeriaren aurkako Nazioarteko Eguna dela-eta, aurten, berriro ere, emakumeengan eta batez ere emakume gazteengan jarri nahiko genuke arreta. Izan ere, indarkeriaz hitz egiteko beharraz gainera, errespetua, askatasuna, autonomia eta berdintasuna oinarri dituzten harreman afektibo eta sexualak eraikitzeko beharra ikusten dugu.

Erakundeek, hedabideek eta gizarteak oro har bukarazi beharreko arazo sozialtzat jotzen da emakumeenganako indarkeria. Hori azken urteotan erdietsitako lorpen garrantzitsua izan da. Halarik ere, askotan, indarkeria mota hori egoteko arrazoia ez dago ezagutzerik, ezta haren sustraiak zeintzuk diren ere, edo, besterik barik, ez da horren gainean informatzen. Askotan, “gaitz” hitza erabiltzen da hura definitzeko, jasan beharreko ezbehar bat izango balitz bezala, inolako arrazoirik gabe eta horren erantzule izango ez bagina bezala. Gizarteak neska gazteen kontrako indarkeria kasu ugari ikusten ditu txundituta, eta ez daki zer ari den gaizki egiten, gailentasun matxistako ereduak izateko oraindik nagusi gazteen arteko harremanetan.

Emakumeenganako indarkeria, zoritxarrez, gure gizarteko errealitateetako bat da. Ez dira kasu isolatuak: Azkoitian ere gertatzen dira horrelakoak. Testuinguru horretan, ezinbestekoa da begirada zabaltzea, emakumeenganako indarkeriari buruzko ikuspuntu globala izatea, tratu txar fisikoak eta hilketa matxistak baino haragoko elementuak barne hartzeko eta gizartearen esparru guztietan mantentzen diren desberdintasunen adierazpen basatitzat jotzeko. Horrenbestez, ezinbestekoa da ulertzea ezin daitekeela emakumeenganako indarkeriaren kontra borroka egin, gizonezkoen eta emakumezkoen ereduak sakon eraldatu barik, ez eta gizon eta emakumezkoen harreman afektibo eta sexualak eraikitzeko modua ere.

Prozesu horri ekiteko, beharrezkoa da erreferente positiboak edukitzea. Xedea ez da egungo eredu kaltegarriak antzematea bakarrik, baita maitasuna eta sexualitatea modu askeagoan eta berdintsuagoan bizitzen ikastea ere. Gizarte berdinagoa eraikitzen laguntzen duten eguneroko jarrera txiki horiek landu nahi ditugu. Emakumeekin, euren autonomia eta jabekuntza sendotzen dituzten jarrerak landu nahi ditugu, izan ere, horiek mugak gainditzen eta estereotipo sexistak apurtzen lagunduko digute. Gizonekin, berriz, matxismoa deslegitimizatzeko jarrerak landu nahi ditugu, baita maskulinotasun hegemonikoaren eredutik aldetzekoak ere.

Mugimendu feministak urteak daramatza genero harremanen ondorio diren jazarpen egoerak salatzen, eta horiek gerta ez daitezen sentsibilizazio ekintzak egiten. Horri esker, egun, erakunde publikoek tratu txarrak edo sexu erasoak jasandako emakumeen arretarako zerbitzu espezifikoak garatu dituzte, eta prebentzio zein sentsibilizazio programak bultzatzen dihardute.

Horren guztiaren jakitun:

1. Azkoitiko Udalak, emakumeenganako indarkeriaren aurka lanean diharduten banako, talde eta elkarteak, eta oro har, parekidetasunaren alde diharduen mugimendu feministaren lana aitortu nahi du.

2. Udala konprometitzen da bere eskumenen esparruan eta indarrean dagoen legedia aplikatuz, udal politika aktibo, integral eta koordinatua garatzea berdintasunaren alde eta emakumeenganako indarkeriaren aurka.

3. Udala konprometitzen da emakumeenganako indarkeria pairatu dutenei arreta hobetzeko tokiko protokoloa gauzatzera eta egun Udalak dituen laguntza bereziak mantentzera.

4. Udala konprometitzen da tratu onak bultzatzeko egun duen hezkidetza programa jorratzen jarraitu eta beharrezkoak diren prebentzio zein sentsibilizazio programak eta ekintzak egitera.

5. Udal honek dei egiten die herritarrei, puntu morea bere egitera.

6. Herritarrak Emakumeenganako Indarkeriaren Aurkako Nazioarteko Eguna (azaroaren 25a) dela-eta egingo diren ekintzetan parte hartzera gonbidatzen ditu, eta oro har, urte osoan, indarkeria horren aurka modu publikoan agertzera.

7. Udalak bat egiten du, Azkoitiko mugimendu feministak Emakumeen Indarkeriaren aurka azaroak 25ean antolatu duen kontzentrazioarekin eta herritarrei dei egiten die bertan parte hartzera.

AZKOITIKO UDALARI,ELKARGUNEKO TARIFEN INGURUAN AITZAKIRIK EZ JARTZEKO ESKATZEN DIOGU

Gobernuan daramatzan 5 hilabetetan hartu dituzten erabakien ardura hartzeko eskatu nahi diogu BILDUko udal taldeari.

Elkarguneko tarifak erabakitzerako orduan, eraikina egiteko inbertsioak edo eta bere kudeaketa daraman enpresak ez du tarifak jartzeko orduan inolako eraginik. Tarifak, honelako instalazio batek duen gastua eta dauden abonatu kopurua kontutan izanda, zenbateko defizita onartzeko prest gauden ikusiz jartzen dira.

Aurreko legealdian eginiko aldaketek, udalari, urtean 50.000 euro gutxiago kostatzea ekarri zion eta badirudi, oraingo udal gobernuak ere aurrekoak genituen kriterio berdinak aplikatu nahi izan dituztela.

Hau horrela izanik, ez dezatela harturiko erabakia aurreko legealdian egon zirenen gain jarri,izan daitezela beraiek hartu duten erabaki horren arduradun.

Hauteskunde aurretik tarifak jeitsiko zituztela agindu zuten, baina udaleko arduradun jarri direnean ikusi da esan zutena eta egin dutenaren artean alde handia dagoela. Adibide garbia, 6 eta 12 urte bitarteko umeen tarifak %66 an igotzea da.

Elkargunearen eraikuntzan gastaturiko diruaren arrazoi bakarra, herriaren erdigunean egitea da, hau da, herriaren erdigunea BIZIRIK mantentzearen erabakia. Beraz, zein erabakiren kontra daude? Elkargunea erdigunean egitea edo Kanpoko igerilekuak egitearena?

Bestalde, badira hartu dituzten beste zenbait erabaki ere beren ardura bakarra izan direnak, hau da, herriko baserritarrek zuten %95 eko bonifikazioak kentzea, Elkarguneko kide izan eta Ludoteka eta Zineko sarreretan zeuden %50 eko bonifikazioak kentzea, enpresei ordaintzen dituzten zergak % 10,4 igotzea,….

Utz diezaiotela aitzakiak jartzeari eta arduraz jokatzen has daitezela

BIDEA EGINEZ

BIDEA EGINEZ izenburupean aurkeztu dugu, dagoenekoz azkoitiko etxe guztietan jasotzen ari zareten aldizkaritxoa. Azkoitiko EAJ-PNV bere bidetik, hauteskundeetarako aurkeztutako programa betetzen saiatuko bait da, eta horren berri zuzenean izateko asmoarekin sortu dugu aldizkaria.

Lehenengo ale honetan, gugan konfiantza agertu zenuten herritarroi eskerrak eman eta hemendik aurrera gutariko bakoitzak ze arlotan (batik bat) jardungo dugun azaldu nahi izan dizuegu.

Barruakaldea, Azkoitiko merkatari elkarteari eta gainontzeko alderdi politikoei aurkeztu diegun 4 urteetarako merkataritza planaren laburpen batekin hasten da. Hauteskunde programan (http://mikelzubizarreta.blogspot.com/2011/05/garapena-lana.html) agindu bezela, aurrera eraman dugun plana da eta honen ondoren ekonomiaren egoera, krisialdia, aurrekontuak eta zorraren inguruko argibideak, modu erraz baten azaltzen saiatu gara.

Bukatzeko udalean gaudenok, jakiten ditugun, baino herritarroi askotan iristen ez zaizkizuen hainbat datu deigarri azaltzen ditugu.

Hemendik patxadaz irakurtzera gonbidatzen zaituztet aldizkaritxoa, eta beti bezela, inolako zalantza kezka, proposamen edo kritikarik izanez gero, esker onez hartuko genituzke.

2012 rako ORDENANTZA FISKALAK

     Pasa den Ostegunean onartu dira 2012rako tasa eta zergak. Berauen eraketan, EAJ/PNVk hainbat proposamen eta kriterio adierazi ditugu eta nahiz eta batzuk onartuak izan diren, badira zenbait gauza harridura sortu eta kontrako bozka ematera eraman gaituenak.

     Alde batetik, krisi garai honetan, azkoitiko enpresek ordaintzen duten zergen gainean, Bilduk %10,4 ko igoera ezarri die.

     Eraikuntzako zergetan eta baserri mundua bultzatu nahian, baserrietan obrak egiterako orduan %95 eko bonifikazioa zuten, baina agrarian altan dagoenei bakarrik aplikatzea erabaki dutenez, herriko baserritar gehienak, bonifikazio hauetatik kanpo utzi dituzte.

     Elkarguneko prezioekin berriz, ez dute jaitsiera nabarmenik planteatu, berauetatik udalak izango duen errekaudazioa zerbait igo baizik. Bilduko zinegotzi batek, Ogasuneko komisioan esan zuen bezala “Makillaje“ bat besterik ez dute egin. Prezio gehienak mantendu dituzte eta nahiz eta arlo batzuetan zerbait jaitsi duten, 6 eta 12 urte arteko 476 neska mutilen hiruhilabeteko prezioa igo dute, hau da, urtean 48 euro gehiago ordaindu beharko dute bakoitzak.

     Elkarguneko kide izanda Ludoteka zein Baztartxoko deskontuak kendu dituzte. Honela, ludotekako haurrek (6-12 urte), datorren urtetik aurrera %100 eko igora izango dute, hau da, 30 eurotik 60 eurotara.

     Uraren tasari dagokionez eta azken urteetan ezker abertzaleak izan duen ilegalak diren diskurtsoa alde batera utzi eta tasen oinarriak onartuak izan dira.