Larunbatean plazara

BIDEA EGINEZEN 9. Alea

Astebururako planik bai?

MUNDIALA DA ETA!!!

Abenduaren 3a Euskararen Nazioarteko Eguna da, Euskararen balio unibertsala aldarrikatzeko eguna da, eta euskararentzat beste hizkuntzen artean dagokion tokia aldarrikatzeko eguna. Ospatzeko eguna, eta euskara gero eta gehiagotan, gero eta eginkizun gehiagotarako erabiltzeko konpromisoa berresteko eguna.

Ugari dira euskarak ospatzeko dituen motiboak. Guztietan lehena, jakina, azken 30 urteotan izan duen hazkundea, bereziki ezagutzari dagokionez. Izan ere, 0,5 puntu urteko hazi da euskara azken urteotan, modu egonkor eta iraunkorrean. Baina erabilerari dagokienez ere, garbi hazi da euskara aldi berean, eta, are garrantzitsuagoa dena,  lehen erabat arrotz zituen eremuetan erabiltzen da gaur euskara. Hazkunde horrek eraman du, hain zuzen ere, euskararen kasua nazioarteko ereduen mailara, mundu zabaleko adituen aztergai izateraino.

Ospatzeko du euskarak, noski, biziberritze sendo horri bidea ireki dioten hiru faktoreek (lege  babes nahikoa, hizkuntza politika eraginkor eta baliabidez behar bezala hornitua, eta herritarren atxikimendua, adostasun sozial eta politiko zabal batekin batera) modu koordinatuan eta iraunkorrean eragin dutela Euskadiko Autonomia Erkidegoan. Izan ere, lurralde horretan izan duen hazkunde handiari esker hitz egin dezakegu, oro har, euskararen aurrerapauso nabarmen batez, Iparralde eta Nafarroako datuek bestelako norabide bat bistaratzen badigute ere.

Ospatzeko du euskarak, era berean, aurrerabide hori euskal gizartearen kohesioa sendotzea iparrorratz hartuta egin duela, ez beste hizkuntza baten aurka, are gutxiago beste hizkuntza baten hiztunen aurka. Aitzitik, hizkuntzen eta hiztunen arteko bizikidetzaren alde egindako bidea da euskararen biziberritzeko ahaleginean egin dena, eta hor dator, hain zuzen ere, euskarak ospatzeko duen beste motibo bat: ugari dira euskararen biziberritzeari ekarpena egin dioten herritarrak, herri erakundeak eta eragileak, eta ugari ez ezik askotarikoak ere bai, eta aniztasun eta pluraltasun hori da, hain zuzen ere, euskararen sustapenaren inguruko lankidetzak izan dezakeen oinarri emankorrena. Euskarak denok behar gaitu, nor bere uste eta ideiekin, nor bere proposamen eta ekarpenekin, baina denok bat sustapenerako hizkuntza politika iraunkor eta eraginkor baten alde. Alde batera utzita, betiko, euskararen erabilera partidistak, euskarak politika behar baitu, ez politikakeria.

Eta euskarak denok behar gaituela esaten dugunean, euskarak, beste edozein hizkuntzak bezala, ezinbestekoa duen erabilera dugu, batez ere, gogoan. Euskara gurea baldin bada, gurea da, neurri berean, euskara erabiltzearen erantzukizuna, euskarak euskal hiztunongan baitu arnasbide bakarra. Gutariko bakoitzak bere gain hartu behar duen konpromiso hori, euskara gero eta gehiagotan, gero eta eginkizun gehiagotarako erabiltzekoa, berresteko eguna dugu, baita ere, Euskararen Nazioarteko Eguna.

Erabili dezagun, bada, euskara, eta landu dezagun elkarrekin euskara etorkizun oparo baterantz eraman dezakeen adostasun sozial eta politikoa zabal eta sakona.

Euskarak denok behar gaituelako, eta denok euskara behar dugulako.

AZAROAK 25

Azaroaren 25ean ospatzen den “Emakumeenganako Indarkeriaren Aurkako Nazioarteko Eguna” dela-eta, sexu-erasoetan jarri nahi dugu arreta, batez ere, neska gazteek jasaten dituztenetan.

Azken urteotan, aldaketa nabarmenak izan dira emakumezkoen eta gizonezkoen arteko harremanetan. Hala ere, eta aurrerapenak gorabehera, askotan ikus dezakegu harreman hauek gure gizartean sustraiturik dagoen desberdintasunean oinarrituta eraikitzen direla oraindik ere, eta, ondorioz, eguneroko jarreretan agertzen dela, desberdintasun hori ugarituz eta betikotuz.

Hain zuzen ere, desberdintasun-testuinguru horretan sartu behar ditugu erasoak, izan ere, eraso horietako asko hain daude normalizatuta eta hain dira egunerokoak, neska gazteek nekez antzeman ditzakete.

Zenbait faktorek neska gazteek sufritzen dituzten hamaika mikro eraso sexista erakusten dizkigute, baina, leunak direnez, normaltzat hartzen ditugu; faktore horietako batzuk honakoak dira: nesken sexualizazio etengabea; emakumearen gorputza desira-objektu gisa ikustea; kontrola ezinezko sexualitatea duen gizonaren estereotipoa, bere ekintzen erantzukizun orotik salbuesten duena; edota jazarpenaren naturalizazioa, hurbilketa sexualeko estrategia gisa.  

Emakumeenganako indarkeria errotik desagerrarazteko lanak, lehenik eta behin, agerian utzi behar ditu indarkeria mota horiek, desberdintasuna eta sexu-indarkeria sustatzen dituzten mezu sexistak antzemanez.

Era berean, beharrezkoa da, erasoak prebenitzeko erabiltzen diren estrategietan, beldurraren bitartez euren segurtasunaren erantzule izatea saihesten duten mezuak helaraztea neska gazteei. Halaber, mezu horiek nesken jabekuntza sustatu beharko lukete eta sexualitate aktiboa izateko eskubidea aintzatetsi, betiere, neskak estigmatizatu gabe edo jarrera arriskutsuen erantzule egin gabe.

Funtsezkoa da hezkuntza afektibo-sexuala izatea, gazteek errespetuan eta berdintasunean oinarritutako sexualitatea gara dezaten. Beharrezkoa da eurekin berariaz hitz egitea, eraso mota oro prebenitzeko izan behar duten papera azpimarratuz, eta adieraztea euren jarrera sexisten eta euren testuinguruaren gaineko erantzukizuna izan behar dutela.

BIRZIKLAPENA IGOTZEKO PROPOSAMENA

Pasa den Ingurugiro batzorderako bideratu zuen Azkoitiko EAJ/PNVk datozen urteotan Azkoitiko birziklapena igotzeko proposamena.

Herri honek Uztailean adosturiko birziklatze portzentajeak lortuko ditu, beti ere, informatu eta erraztasunak ematen baditugu.

Ez gaude Atez atekoaren alde,  beste jasotze sistemak, birziklapen portzentaje horietara heltzea ahalbideratuko duela argi eta garbi baitugu.

Guk gure proposamena egin dugu, besteek egin dezatela berea.

"Diario Vasco"ko albistea
"Noticias de Gipuzkoa"ko albistea
"Hitza"ko albistea

2 URTE ALPERRIK?

Gaurkoan uda honetan etxe guztietara banatutako Bidea Eginezen 8.alea uzten dizuet. Irakur ahal izango duzuen bezala, 2 urte hauetako Udal kudeaketaren balorazioa egiten dugu bertan. Interesgarria izango zaizuelakoan...

 

2 URTEKO KUDEAKETAREN BALORAZIOA EGIN DUGU

Azkoitia Lantzen
Azken egunotan, Azkoitia Lantzeni buruz egin diren hainbat adierazpeni erantzunez, jakinarazi AL-en helburua beti izan dela, lurrak erosi eta honekin Gune degradatuak berreskuratzea, jarduera ekonomikoa sustatzea eta Etxebizitza Politika Publiko bat egitea.

Zein izan da azken 2 urteotan AL-eko kudeatzaile berriek egin dutena?

• Txosten Juridikoa (5 hilabete) 

• Gestio Txostena (4 hilabete) 

• Kudeaketa urbanistikoko Txostena (4 hilabete) 

• Aktiboen balorazio Txostena (5 hilabete) 

• Txosten ekonomiko Finantzieroa (4 hilabete) 

Informe guzti hauek egitera bideratu dituzten baliabide pertsonalak, ekonomikoak eta orduak, benetako sozietatearen Kudeaketa EZ egitea ekarri du. 

Helburu bakarra izan dute, hau da, aurretiko kudeatzaileak zer egin duten eta zerbait gaizki egin duten bilatu. Gaizki al dago gauzak nondik nora datozen jakin nahi hau? 

EZ, baina 2 urte badira, eta ez behin bakarrik, aurreko AL-eko arduradunak, idatziz eskatu zuela, AL berriaren aurrean eginiko operazio guztien nondik norakoak esplikatzeko eskaera egin zuela eta ez zaio oraindik aukerarik eman. Behin baino gehiagotan, idatziz egin du Asier Aranbarrik eskaera hau eta oraindik zain dago. Beraz, agian, hainbeste txosten egin beharrean, aurreko kudeatzaileak, AL en nondik norakoak emango lituze eta ez ginakteke 2 urte hauetan Txostenak gora eta bera ibiliko. 

Baina azken hilabetean, TVC ak bere txosten definitiboa bidali du Azkoitiko udalera eta txosten honek, udal gobernuak egin dituen adierazpenak bertan behera bota ditu, hau da, azkenean esaten duena da, AL ek duen Aktiboarekin, dituen konpromisoei aurre egiteko nahiko maniobra fondo duela. 

Aurretiko kudeaketa ardurak, aurrekoak dituzte, baina 2 urtetan Aktiboen kudeaketarik ez egitea, egungo kudeatzaileena da. 

HARRITZEKOA da Azkoitia Baiko kideak azken astean egindako adierazpena non AL-en balorazioarekin harritu da azken 15 urte udaletxean daramanean. 

DATUAK: 

A) Agem Consultores ek 2013ko Ekainean eginiko Txostenak, bere ondorioetan dio “AL no se encuentra en causa de disolucion u obligacion de realizar una reduccion de capital” 

B) Txosten berdinean dio, 2016rarteko Tesoreria aurreikuspenak ere ez duela arazorik izango. 

C) Enpresa berdinak 2012ko Auditori txostenean ere esaten du “las cuentas de AL están de acuerdo con el marco normativo de información financiera que resulta de aplicación”

Ekarpen Falta 

Udal gobernuak eginiko Azken prentsaurrekoan, EAJ ri leporatzen zion ekarpenik ez egitea eta isilik egotea 

Gogorarazi azken 2 urtetan gobernatzen ari direnak beraiek direla eta beraiek egin behar dutela udal kudeaketa. Gure proposamenak kontutan hartzen ez direnean, berriak egitea zailagoa izaten da. Adb: 

• Euskara komisioan egindako dekalogoarekin ez da ezer egin 

• Sozio-ekonomia komisioan, Merkataritza sustatzeko egindako proposamenarekin, 2 urtetan ez da ezer egin eta azkenik EAJk hartu du Merkataritzako dekalogoko hainbat puntu aurrera eramateko ardura eta herriko hainbat merkatarirekin, banan bana biltzen ari garela proiektuaren helburuak adierazi nahian 

Kudeaketa Ezaren adibideak 

• Beraien Udal Programa eta Aldatu Beharra dokumentutik ia ez da ezer egin. 

• Brigadak erabiltzeko makina erosten 2 urte pasatu izanak, herriko baserri ta auzo bideak garbitu gabe egon dira 2 urtetan

• 2013ko Apirilean Esleituta egon behar zuen Musika eskolako lanak oraindik ez dira hasi. 

• Baztartxo eraikina 1 urte kontraturik gabe dago. 

• San Jose Egoitzako estatutoak ia 2 urte aldatzeko asmoarekin 

• Promozio Ekonomikoko proiekturikez 

• Ingurugiro Alorrean Zaborren kudeaketan zer egingo dugun ez dakigu. Bere garaian Atez Atekoaren aldeko pentsaera zuten Bildu eta Azkoitia Baiko kideak, zaborren mahaia eta herriko 3.547 sinaduren aurrean ezer egin gabe jarraitzen dute. 

EAJ-PNVk AURRERA BEGIRA BIDERATUKO DITUEN HELBURUAK

• Promozio Ekonomikoa: Merkataritza eta Lana 

• Ongizate maila mantentzea 

• Zerbitzuak, Herria txukun,..

Gaur goiza Matia Fundazioan pasa dugu beren lana gertuagotik ezagutzeko aukera paregabea izan dugularik. Hemendik eskerrak eman nahi dizkiet bertako langile guztiei jasotako harreragatik, batik bat, goiz guztian gurekin egon diren Aitziber eta Anari.

Goizak bi zati izan ditu, alde batetik Fundazioaren nondik norakoazk azaltzeko bilera batean izan gara eta gero beren Rezola egoitza bisitatzeko aukera izan dugu. 

Lehenengo zatitik bi proiektu nabarmendu ahal ditugu, batetik, Etxean Ondo proiektua, nagusien etxeetan zein egoitzetan aurrera eramaten ari direna eta bestetik Euskadi Lagunkoia.

 
Etxean Ondo proiektua, Miguel Leturiak aurkeztu digun arren, zuzenean Julian Rezola egoitzan ikusteko aukera izan dugu eta bertan ikusirikoa neuk azaltzea baino sarean aurkitu dudan bideo hau txertatzea esanguratsuago izango zaizuela iruditu zait.

Azkenik Euskadi Lagunkoiaren proiektua aipatuko dizuet, oraindik Azkoitian ezartzen hasi ez dena, baina gure ustez, oso interesgarria dena, guztiontzat herri hobeago bat egiteko, adinekoen parte hartze zuzena sustatuz. Osasunaren Munduko Erakundeak (OMS) bultzatutako ekimenean oinarritua dagoen proiektu hau, Eusko Jaurlaritzak Finantzatu eta Matia Fundazioak koordinatzen du. Herrietan aurrera eramateko prest dago eta gainera Udalentzat doakoa da. Beronen webgunea uzten dizuet informazio zuzenagoa nahi duzuenontzat. www.euskadilagunkoia.net

INDARKERIA MATXISTArik EZ!!!

Emakumeen aurkako indarkeriari buruzko kontzientzia handitzen ari bada ere, aurreko astean berriro plazaratu beharra egon zen, bere emaztea erail duen beste kasu bat medio.

2012an Eusko Jaurlaritzako Genero Indarkeriaren Biktimen Laguntzako Zuzendaritzak egindako azterketak, Euskal Herritarron %82ak, “oso arazo larritzat” dugu genero indarkeria.

Nahiz eta instituzioen edota herri mugimendu ezberdinen aldetik, Berdintasun Politikak bideratu eta jorratzeko ahalegin handiak egiten ari diren, eta ulertezina egiten zaigun arren, bada oraindik indarkeria hau erabiltzera daraman gizakirik. 

ASKI DA!

LOMCEri EZ!

Gure eskumenak urratu eta zentralizatzeko helburua duelako, egun dugun sistema hobetzen duenaren froga edosostengu zientifikorik ez duelako eta gehiengo sozial eta politikorik ez duelako esaten diogu EZ Wert ministroaren Hezkuntza legeari.

1. Autonomia Estatutuaren 16.artikuluak dionez: “…irakaskuntza, zabalera, maila, gradu, era eta espezialitate guztietan, Euskal Herriko Komunitate Autonomoaren konpetentziapean dago…” Beraz,  LOMCEkKonstituzioak ezartzen duen eskumen banaketa urratu eta estatuari tokatzen ez zaion eskumena gehitzen dio.

LOMCEk ez du kontutan hartzen errealitate soziolinguistikoa, ezta Autonomia Erkidego bakoitzak dituen beharrak ere. Honen aurrean, hizkuntza koofizialakderrigorrezko ikasgaien artean egoten jarraitzea eskatzen dugu.

2. Non dago aldatzeko beharra dagoela ziurtatzen duen azterketa edo diagnostikoa?

Wert ministroak berak onartu duen bezala Euskadiko Hezkuntza Sistema, estatukoaren aurretik doa eta bere emaitzak askoz hobeak dira (eskola porrot tasa baxuagoa, gazteen langabezia estatuaren erdia…)

Lege honek, estatistikak hobetzeko, Konpetenteak izatera bideratu beharrean, elkarren artean “konpetitzera” garamatza, ikasle zein ikastetxeak.

3. Ez du herritarron, hezkuntza eragileen, zein gainontzeko alderdi politikoon oniritzirik.

Inposaketa bidezko aldaketak ez dute ibilbide luzea izaten, benetako aldaketa bat ahalbideratzeko agenteen inplikazioa bermatu behar da, aldaketa prozesuan bertan.

Bestetik, Kontuan izan behar dugu azken 30 urtetan Hezkuntzak jasaten duen 7.aldaketa izanik, argi gelditzen dela oinarrizko kontsentsu baten beharra dugula, gobernu aldaketek eragingo ez dioten kontsentsu baten beharra alegia.

AZKOITIKO UDALAREN MANIFESTUA, SEXU ASKATASUNARI ETA SEXU DIBERTSITATEARI BURUZKOA

Bihar Maiatzak 17, Homofobia, Lesbofobia eta Transfobiaren aurkako eguna izanik, gaur osoko Bilkuran EAJtik aurkezturiko dokumentua eta ondorengo konpromezuak aho batez onartu ditugu:

1. Herritar guztiak errespetatzea, haien orientazio sexuala eta genero-identitatea edozein dela ere.

2. Pertsonen duintasuna eta osotasun fisikoa —estatuetako gobernuen legeen bidez bermatu beharrekoak biak— errespetatzea. Espazio publikoan eta, bereziki, hezkuntzaren arloan ematen diren adierazpen homofobo, lesbofobo, transfobo eta bifoboak irmotasunez kondenatzea.

3. Mundu osoan erabat despenalizatzeko eskatzea, hori baita herritar guztien artean benetako sexu askatasuna eta berdintasuna egotearen seinale. Bereziki kondenatzea LGTB taldeko pertsonen aurkako heriotza zigorra oraindik ere sexu-askatasuna despenalizatu ez duten herrialdeetan, eta zigor horren aurka egitea.

4. Transexualitatea despatologizatzeko eta DSM eta CIE psikiatriako eskuliburuetatik kentzeko eskatzea.

5. Espazio publikoan eta bereziki hezkuntzaren arloan egindako adierazpen afektibo-sexualen eta genero-identitateen ikusgaitasuna errespetatzea.

6. Lanerako, hezkuntzarako eta aisialdirako guneak erabiltzeko eskubidea bermatzea, sexuaren edo genero-identitatearen ondoriozko inolako diskriminaziorik gabe.

7. Aukera sexual eta genero-identitate bakoitzaren irudi duina sustatzea komunikabideetan, bai eta agerraldi kulturaletan, sozialetan, artistikoetan eta, bereziki, hezkuntzaren arlokoetan.

8. Gizarte anitzago, ireki eta integratzaileago baten alde lan egiteko esperientziak eta jarrerak sustatzea, non orientazio afektibo-sexuala eta genero-identitatea ez diren inorentzat oztopo izango.

9. Sexualitate anitzerako bidea egitea, mitorik gabe, konparaziorik gabe, inposiziorik gabe, eta sexualitate askearen —aukera eta orientazio sexualerako eta genero-identitaterako askatasuna barne— aurkako jokabide guztien kontra egitea.

STOP DESAHUCIOS AZKOITIN

Pasa den hilean, Etxegabetze gaiarekin bigarren bilera egin da Azkoitian. Besteak beste STOP Desahucios eko 2 kide, herriko hainbat banketxetako zuzendari, udal ordezkari, Caritas eta norbanakoak izan ginen bertan.

Bigarren bilera honen helburua, egungo egoeraren berri izatea, bakoitzak bere iritzia ematea eta kasu hauetarako aurkezturiko protokoloa irakurri eta nolabait adostea zen.

Egia da, oraindik Azkoitin ez dugula horrelako kasurik izan, baina herritarrak informatzea garrantzitsua dela ikusi zen bertan, egoera hauetara iritxi aurretik dituzten baliabide edo pausoak jakinarazteko.

Banketxeko zuzendarien aldetik, edozein familia, egoera larrian baldin badago, dituen betebeharrak aztertu ta berfinantziatze lanak, behin baino gehiagotan egiten direla eta horrela jarraitzeko asmo osoa dutela jakinarazi ziguten.

STOP desahucios eko kideen aldetik, etxejabetze prozesuak dituen pausoak jakinarazi zizkiguten eta askotan, familia edo pertsonek duten arazoa ez azaltzeagatik edo egiten duten arazoaren kudeaketa txarragatik, bueltarik ez duen bidean sartzen direnean azaleratzen direla eta hau ekiditea dela helburuetako bat adierazi ziguten.

Udaletxeko arduradunek, udaleko web gunea erabil dezakegula ere aipatu zuten herritarrei hainbat informazio emateko.

Protokoloaren irakurketa ere egin genuen eta bertan agertzen diren hainbat eta hainbat puntu nola egin daitezkeen ere eztabaidatu genuen.

ONGIZATEKO DIRU LAGUNTZAK

Oraingo honetan Gizarte zerbitzuetatik ematen diren 2 laguntza nagusien datuak eman nahi dizkizuet. Alde batetik Gizarte Larrialdietarako Laguntzak (AES), izenak berak dion bezala, larrialdi egoeretarako laguntzak izaten dira, ondorengo grafikoan ikus daitekeen bezala laguntza gehienak etxebizitzen ingurukoak izan dira:

Diru laguntza hauek eskatu dituztenen jatorriari dagokionez:

Bestetik Diru-sarrerak Bermatzeko Errenta (RGI) hau Eusko Jaurlaritzak, Lanbideren eskutik kudeatzen du. Gutxieneko diru sarrerak ez izateaz gain, etxebizitzako gastua dutenek, laguntza osagarria eskatu ahal dute. Diru laguntza hau jasotzeko 3 urtez egon behar da Euskadin enpadronatua.

Gipuzkoan Diputazioak beste laguntza bat jarri du gutxieneko diru sarrerak ez dituzten eta 3 urte baino gutxiagoz Gipuzkoan enpadronatuta daudenentzat (AGI). Hauei 6 hilabetez Gipuzkoan enpadronatuta egotea eskatzen zaielarik.