2011/09/30

EAJ-PNVK INIZIATIBA HARTU ETA 4 URTEETARAKO MERKATARITZA PLANA AURKEZTU DIEGU ALDERDI POLITIKO ZEIN HERRITARREI

      Maiatzak 22ko hauteskundeen atarian, lan bilera ospatu genuen Azkoitiko merkatari elkartearekin (Herrixen), zuzendaritza batzordeak eta Olaia Zabaleta, teknikariak ordezkatzen zutelarik.
        Bertan, merkatariek, beraien kezkak, beharrak eta beste hainbat gai mahai gainean ipini zituzten.
        Bilera hartatik eta EAJ alderdiak zituen egitasmoetatik, orain aurkezten dizuegun hamar puntuko txosten hau sortzen da, helburu batekin, datozen 4 urteetako (2011-2015) plangintza amankomun bat garatzeko asmoz.

Jarraian, txosten honen atalak aurkezten dira.

1.- Itxitako lokalen kudeaketa.
  • Helburua; hutsik dauden lokalak merkaturatzea, horretarako, identifikatu, jabearekin hitzegin eta bere asmoa ezagutzea ezinbestekoa da.
  • Jardueren mix analisia.
  • Lehiaketa bat antolatu lokal hauen orma eta fatxadak dekoratzeko.
  • Ekintzaile potentzial berriak hiri gunera erakarri.
 2.- Itxiera bidean dauden lokalak kudeatu.
  • Adin jakin batetik gorako merkatarien azterketa bat egin, beraien asmoak ezagutzeko, eta ahal den neurrian lagundu etorkizunera begira. Izan ditzaketen laguntzen inguruko informazioa eman.
  • Ekintzaile potentzialak aurkitu.
 3.- Azoka plaza eta kultur etxea.
  • Ideien lehiaketa antolatu, azoka plaza eta kultur etxearen inguruan, proiektu erakargarri bat martxan jartzeko, beti ere hiri gunera, jendea erakartzeko.
  • Kultur etxeari erabilera aurkitu.
 4.- Kudeaketa profesionala.
  • Herrixen elkarteak, Udalarekin duen hitzarmena aztertu.
  • Bi aldeen konpromisoak definitu.
  • Elkarteko teknikariaren zer eginak definitu.
 5.- Sustapen komertziala.
  • Kirol elkarte, kultur elkarte eta gainontzeko eragile guztien arteko koordinazioa landu, ekintzak antolatzerako orduan.
  • Egutegi adostu bat Garate, elkarlana aprobetxatuaz eta sinergiak sortuz.
 6.- Hirisgarritasuna hiri gunera.
  • Aztertu parking berrien sorrera edo eta daudenen erabilera, beti ere hiri gunera hirisgarritasuna bermatuaz.
  • Plaza Berri, hobekuntza aukera desberdinak aztertu.
 7.- Izapide administratiboak.
  • Erraztu udaletxean egiten diren izapideak, lokal berrien irekiera batik bat, kontuan izanik, hiri guneak dituen berezitasunak.
  • Arau betebeharrak, zenbait kasutan ezin dira bete hiri guneak dituen mugengatik.
8.- Tasak, ura eta zaborra. Zergak.
  • Merkatariek beraien kexa adierazi dute tasen inguruan, oso kantitate altuak direla eta dauden desberdintasunengatik, antzekoak diren dendetan.
  • Tasak jaistea eskatzen dute.
9.- Garbitze zerbitzua.
  • Kexa orokorra espaloien irristagarritasunaren inguruan. Beraien esanetan erabiltzen diren produktuak ez dira egokienak.
10.- Segurtasuna.
  • Alerta sistema bat sortzeko beharra adierazten dute merkatariek.
  • Agintaritza dutenen koordinazioa bilatzen da, sistema hau martxan jartzeko.
Nahiz eta hemen ez agertu udalean dauden alderdi politiko zein merkatari elkarteari lan plangintza zehatz bat aurkeztu diegu

    2011/09/18

    144 urtez eginiko lan onari ESKERRAK!

         Gaur goizean meza santuarekin eman diogu hasiera Azkoitiko herriarentzat 144 urtez hainbeste eman duten lekaimeentzako omenaldia. Mezaren ondoren Sahatsa dantza taldekoek aurreskua, Frantsezenaren organo kontzertua eta Azkoitiko banda, Iraurgi eta Parrokiko abesbatzen emanaldia izan ditugu.

         
         Elizakoekin amaitzeko ohore handiz Agur Jaunak abestu diegu eta Joseba jatetxerantz abiatu gara. Elkarrekin bazkalduz Poxpi eta Lajaren eskutik festa giroan eman diogu amaiera omenaldiari.

         Hemendik eskerrak eman nahi dizkiet omenaldi hau antolatzen hainbeste lan egin duten herritar eta elkarte guztiei. Sor Mari Jose, Sor Trini, Sor Mertxe, Sor Arantxa, Sor Maria Jesus eta Sor Margaritak azken urteotan eta buruan ditugun Sor Rosalia, Sor Benedita, Sor Benancia eta beste hainbat ahizpek gure herriaren onuran egin duten borondatezko lan paregabeari eskerrak emateko beste hainbat herritarrok egin duzuen lanari eskerrak, alegia.

    2011/09/16

    BATERAGUNE KASUAREN AURREAN EAJtik...

          Euzko Alderdi Jeltzalearen aburuz, Entzutegi Nazionalak gaur bertan Bateragune auziaren inguruan eman duen ebazpena, atzera pausua da Euskadiren bizikidetzaren normalizazioan; eta zentzugabekeria politiko-judiziala da, Ezker Abertzalearen munduan “dena da ETA” ebaztearekin egin dutena.
         EAJ-PNV beti egon da tesi horren kontra. Eta, hor daude Ezker Abertzalearen buruek publikoki ezeztatutakoak eta hainbat erabaki judizialetan esandakoak.  Tesi hau, azken finean, ez da eusten eta salatu eta errotik kendu beharra dago.
          Ez gara sartuko, epaitutakoak ETAren jarraibide bati jarraitzen ote dioten, edo ETArekin partekatutako estrategia ote den, edo mundu honetan nor noren gainetik ote den auzian. Kabala hauek itxurazkoak baino ez dira eta iraganeko ezbai interesatuetakoak . Horrela ba, prozesu honetako gertakarien sorburuan, biltzeko eskubidearen urratze argia egiaztatzen da.
          Euzko Alderdi Jeltzalearen ustetan, ezinbestekoa da Euskadin aldi berria zabaltzea. Urte luzeotan ezarri diren lubakiak ixteko aldi berra. Ezker Abertzalea ere, esparru politiko eta instituzionaletako protagonista izateko aldi berria. Aurrera begiratzeko aldia da. Gogoratu behar dira,duela egun batzuk gipuzkoar sozialistek Bateragune kasuko epaileari errealitate sozialari begiratzea gomendatzeko eta ezker abertzaleak bide politiko hutsen alde egin duen apustua aipatzeko egin zituzten adierazpenak.Imagen quitada por el remitente.

    2011/09/06

    AUTODETERMINAZIO ESKUBIDEA

          Nazio Batuen Erakundearen arabera, estatu independente izateko edo bestelako eraketa politikoren bat aukeratzeko ekintza politiko-juridikoa da autodeterminazioa, erreferendum espezifikoan edo beste eraren batera gauzatzen dena. Herrien autodeterminazio-eskubideari buruzko eztabaiden, aldarrikapenen eta aitorpenen historia XIX. mendearen hasieratik dator, eta mende horretako Europako marxisten arteko eztabaidagai oso garrantzizkoa izan zen. Eskubide horren sorreran nazionalitateen printzipioa dago: horien forma juridikoaren adierazpena baino ez da autodeterminazio-eskubidea, hau da, nazio bakoitzari estatu berezia dagokiola dioen tesi politikoaren adierazpen juridikoa. Tesi horien aplikazioak herrien deskolonizazioa ekarri zuen.

           Nazionalitateen printzipioa, berriz, lehen-lehenik, Iparramerikako eta Frantziako iraultzek aldarrikatu zuten eta ondoren Europako beste herrialdeetara hedatu zen. XIX. mendean nazionalismoak berebiziko indarra hartu zuen Europan bereziki: orduan sortu ziren estatu berriek (Grezia, Belgika, Italia, Alemania) autodeterminazio-eskubidean oinarriturik burutu zuten batasun nazionala. Hala ere, estatu hauen konstituzioetan ez da printzipio hori jaso. Beraz, autodeterminazio-eskubidea ez zen berehala zuzenbidezko eskubide bilakatu. Lenin errusiarra herrien autodeterminatzeko eskubidearen alde zegoen, teoriaz behintzat. Ondorioz, 1917ko Urriko Iraultzatik sortutako estatu boltxebikea izan zen autodeterminazio-eskubidea legez onartu zuen lehena. Besterik gertatu zen printzipio horren aplikazioa.

         Euskal Herrira begiratuz, azken urteotan, batzuen eta besteen ahotan entzun dugu eskubide honen gain aldeko edo eta kontrako joerak. Historian zehar, alderdi politikoek beraiek ere, ez dute jokaera bera izan, normalean, egoera politikoen gain egon bait da eta adibide garbia, 1990 eko Otsailak 15ean, Eusko Jaurlaritzara eramaniko proposamenari buruz, egunkari batek egin zuen adierazpenetan dugu: “El  Parlamento Vasco aprueba una declaración basada en una propuesta conjunta de PNV, EA y Euskadiko Ezkerra, en la que se insta a reconocer el derecho del pueblo vasco a decidir su futuro por si mismo. La demanda de la polémica autodeterminación no conto con el apoyo de HB, que considero insuficiente la propuesta, pero fue aplaudida con fervor por los parlamentarios que la apoyaron"

          1512. urtean, Nafarroan gertaturikoak gure herriaren historia errotik aldatu zuen. Aragoiko Errege eta Gaztelako tronua bere eskuetan zuen Fernando Katoliko Trastamarakoaren agindupean, 10.000 soldaduk nafar erreinuaren azken hondarrei eraso egin zieten. Oroimen historikoaren berreskurapena sustatu nahian eta kolonizatu gintuzten eta horren alde direnen manipulazioei aurre egiteko, 1512-2012 Nafarroa Bizirik ekimenak idatziriko “Konkistak, 500 urte" liburua irakurtzea gomendatzen dizuet. Askotan nondik gatozen- ak, nora Joan laguntzen bait digu.